Luuq(INO)-Odayaal iyo Waxgarad ka soo jeeda Beesha Raxanweyn oo kulan ku yeesheen Degmada Luuq ee Gobolka Gedo ayaa sheegaya in ay kasoo horjeedaan sida loo soo xulayo Xildhibaanada Barlamanka Juba ee ka imaanaya Gobolka.
Waxa ay ku andacoonayaan in Maamulka Juba uu doonayo in si aan xalaal aheyn uu u bixiyo Kuraasta Barlamanka Deegaanada Gobolka Gedo oo ay sheegeen in qaar ka mid ah Dadka Deegaanka aanba lagu darin Liiska.
“Anaga waxaa ka mid nahay Dadka daga Gobolka Gedo hadana waxaan maqleynaa in wax Xildhibaano ah aanan ku laheyn Barlamanka Juba arrintaasi ma cuntameyso mana aqoonsanin waxii kasoo baxa” ayuu yiri Nin Deegaanka ah.
Juba ayaa 15 Degmo oo ka kala tirsan Gobolada Juba iyo Gedo u qorsheeyay mid 4 Xildhibaan taasi oo tirada Barlamanka Juba ka dhigeysa 60 Xildhibaan.
Idale News Online, Luuq
