Baydhabo(INO); Qarax xooggan oo loo adeegsaday baabuur waxyaabaha qarxa laga soo buuxiyay ayaa goor dhow ka dhacay agagaarka Dugsigii Yaasiin Cusmaan
Qaraxan oo ahaa mid xooggiisa laga maqlay inta badan magaalada, ayaa si rasmi ah loo ogeyn khasaaraha uu geystay, iyadoo ay tahay xilli hore.
Wararka ayaa sheegaya in qaraxa lala beegsaday maqaayad ku dhow Dugsiga Yaasiin Cusmaan, kaasoo ka soo hor-jeeda Xarunta Wasaaradda Dhalinyarada iyo isboortiga.
Wasiirka Warfaafinta Xukuumadda Soomaaliya C/raxmaan Cumar Cusmaan ayaa bartiisa Twitter-ka ku soo qoray in qarax baabuur loo adeegsaday uu ka dhacay maqaayad lagu qaxweeyo oo ka soo horjeeda Xarunta Wasaaradda Dhalinyarada iyo Isboortiga
Goob joogayaal ku sugan degmooyinka Shingaani iyo Boondheere ayaa sheegaya inay arkayeen qiic iyo uuro ka baxayay inta u dhaxeysa Xarunta wasaaradda Dhalinyarada iyo isboortiga iyo Dugsigii Yaasiin Cusmaan.
La soco wixii warar ee ku soo kordha.
Idale News Online,
