Muqdisho ( INO)-Nabadoon Muumin Gariig ayaa ka digay in dib loo soo doorto Guddoonkii hore ee Baarlamanka Soomaaliyeed.
Waxa uu sheegay Nabadoonku in Baarlamaankii Afartii sano ee la soo dhaafay ay Masuul ka ahaayeen in Muqdisho Maqaamkeeda la duudsiiyo.
Sidoo kale waxa uu ku dhaliilay Guddoonkii hore ee Baarlamanka wax qabad xumo isagoo ku booriyay Xildhibaanada Cusub in Isbedel ay qaataan islamarkaana ay doortaan Guddoon wax qabad leh.
Wixii ka dambeeyay Dhaarinta Xubnaha labada aqal ayaa waxaa soo baxaya Musharrixiin kala duwan oo u taagan xilka Guddoonka Sare ee Baarlamaanka Soomaaliyeed.
