Tiyeeghlow(INO)- Waraka inaga soo gaaraya Degmada Tiyeeglow ee Gobolka Bakool ayaa waxa ay sheegayaan in Degmadaasi ay la wareegeen Ciidanka Koonfur Galbeed.
Degmada Tiyeeglow ayaa waxaa Dagaal la’aan la wareegay Ciidanka Dowlada Koonfur Galbeed Soomaaliya , kadib markii ay ka baxeen Shabaabkii halkaasi ku sugnaa.
Mas’uuliyiin ka tirsan Koonfur Galbeed oo aan la xiriirnay ayaa inoo xaqiijiyay in Ciidanka Koonfur Galbeed Soomaalioya ay hada si buuxda gacanta ugu hayaan Degmada, sidoo kalena ay wadaan Howlgallo ka dhan ah Shabaab.
Ugu dambeyntii, Shabaab ayaa intii ay ku sugnaayeen Degmada Tiyeeglow waxa ay ku dileen tiro dad ah, kuwaas oo ay ku eedeeyeen in ay jaajuus u ahaayeen Ciidanka Dowladda iyo kuwa Itoobiya.
