Istanbul(INO)- Madaxweynaha Wadanka Turkiga Recep Tayyip Erdogan oo ka qeyb galayay Shir Turkiga lagu qabtay oo looga hadlayay Arrimaha Garsoorka ayaa Dalalka Caalamka ku eedeeyey inay Hagradeen Wadanka Soomaaliya.
Recep Tayyip Erdogan ayaa tusaale u soo qaatay Mareykanka iyo Ingiriiska isagoona sheegay inay si weyn u hargradeen Soomaaliya balse Turkiga ay ka go’antahay inay gacan siiso Soomaaliya.
“Safaradaha Mareykanka iyo Ingiriiska waxaa ay isku Koobeen Meel gaar ah oo Xayndaab ah,mana qabtaan Shaqooyinkii looga baahnaa in ay Soomaaliya ka qabtaan oo ay Gacan siiyaan Dowladda Soomaaliya iyo Shacabkeeda”ayuu yiri Madaxweyne Recep Tayyip Erdogan.
Dowladda Turkiga ayaa Soomaaliya Door Muhiim ah ka Ciyaartay marka laga Eego dhan walba,iyadoo Magaalada Muqdisho ka Furatay Safaaradda ugu weyn Adduunka ee Turkigu uu ku leeyahay.
