Baydhabo(INO)- Dowlada Koonfur Galbeed ee Soomaaliya ayaa waxay faah fahin ka bixisay Dagaaladii dhowaan ay la galeen ururka Al-shabaab kuwaas oo ka dhacay Deegaanada Koonfur Galbeed, gaar ahaan Gobolada Baay iyo Bakool.
Wasiirka Warfaafinta iyo Wacyi-galinta Bulshada Koonfur Galbeed Ugaas Xasan Cabdi Maxamed ayaa wuxuu sheegay Dagaaladii ay la galeen Dagaalyahanada Shabaab in ay guulo weyn ka soo gaareen ciidanka gaarka ah ee Koonfur Galbeed.
Wuxuu sheegay Deegaanada Koonfur Galbeed inta badan in ay gacanta ku hayaan Ciidanka Dowladda, kuwa Koonfur Galbeed iyo kuwa AMISOM.
Ugaas Xasan Cabdi Maxamed Wasiirka Warfaafinta Koonfur Galbeed ayaa sidoo kale wuxuu sheegay in dhowaan ay bilaabi doonaan Howlgallo Shabaab looga saarayo Deegaanada ay kaga sugan yihiin Koonfur Galbeed Soomaaliya.
Halkan Ka Dhageyso
