Muqdisho ( INO)-Waxaa Tiro Madaafiic ah xalay lagu weeraray Saldhiga Ciidamada AMISOM ay ku leeyihiin duleedka deegaanka Ceelasha Biyaha ee Gobolka Shabeelaha Hoose.
Madaafiicdaan oo ahayd mid aad u xoogan ayaa xalay lagu weeraray Saldhig AMISOM gaar ahaan kuwa Burundi ku leeyihiin Galbeedka deegaanka Ceelasha Biyaha gaar ahaan deegaanka Arbacow.
Inkastoo aan la xaqiijin Karin Khasaaraha rasmiga ah ee ka dhashay Madaafiicdaasi ayaa mid ka mid ah dadka ku dhaqan Ceelasha Biyaha waxa uu Shabelle u sheegay in muddo daqiiqado ah Madaafiicdaasi ay ku hoobaneysay Saldhigaasi.
Iyadoona Ciidamada Burundi ay Madaafiic Jawaab u ah kuwa lagu soo tuuray ay ridayeen kuwaas oo iyana aan la ogeyn halka ay ka dhaceen iyo Khasaaraha ka dhashay.
Dhowr jeer hore ayaa dagaalyahano ka tirsan Xarkada Al Shabaab sidaas oo kale waxa ay duqeymo Madaafiic ah ugu beegsadeen Xarumo Ciidamada dowladda iyo AMISOM ku leeyihiin qaar ka mid ah Gobollada dalka.
Xafiiska Warqabadka Idale News Online, Baydhabo
Email: Idalenewsonline@gmail.com Baydhaba Janaay
