Ceelwaaq (INO)—Warar dheeraad ah ayaa ka soo baxaya Weerar xoogan oo Xalay Dagaal yahano ka tirsan Xarakada Al Shabaab ay ku qaadeen Xero Ciidamada Kenya ay ku leeyihiin Degaanka Dhamase ee qiyaas ahaan 60Km u jirta Degmada Ceelwaaq ee Dalka Kenya.
Weerarkan ayaa waxuu ku bilaawday madaafiic marka hore lagu garaacay Saldhiga Ciidamada Kenya ee Degaanka Dhamase, waxaana intaasi kadib dhacay Weerar toos ah oo lagu ekeeyay Xerada Ciidamada Kenya.
Xoogaga Militariga Dowladda Kenya ayaa bilaabay in ay iska caabiyaan Dagaal yahanada Xarakada Al Shabaab, waxuuna halkaasi ka dhacay Dagaal saacado qaatay oo u dhaxeeyay labada dhinac.
Sidoo kale Xubno ka tirsan Al Shabaab ayaa qaraxyo ku burburiyay Ceelbiyood ay isticmaalaan Ciidamada Kenya iyo Taawarka ama Anteenada Shirkada Isgaarsiinta Safaricom oo ka howlgasha Gobolka Waqoo Bari.
Isgaarsiinta ayaa lagu soo waramayaa in ay ka maqan tahay Degaano iyo Degmooyin dhaca Gobolka Waqooyi bari ee Dalka Kenya.
Warark ayaa sheegaya in uu jiro khasaaro lixaad leh oo halkaasi lagu gaarsiiyay Xoogaga Dowlada Kenya ee lagu weeraray Degaanka Dhamase.
Dhinaca kale, Diyaaradaha Dagaalka ee Dalka Kenya ayaa Duqeymo xoogan oo ka dhashay khasaaro kala duwan waxey la dhacay Degaanka Dhamase ee Gobolka Gedo.
Duqeyntan ayaa Xoogaga Kenya waxey ugua jawaabayeen Weerar xoogan oo Xalay Xarakada Al Shabaab ay ku qaadeen Xaro Ciidamada Kenya ay ku leeyihiin Degaanka Dhamase oo ku yaalla Dalka Kenya.
Ilaa iyo hada majiro wax hadal ah oo ka soo baxay Saraakiisha Xarakada Al Shabaab iyo kuwa Kenya oo ku aadan Weerarkaasi ka dhacay Degaanka Dhamase ee qiyaas ahaan 60Km u jirta Degmada Ceelwaaq ee Dalka Kenya.
Xafiiska Warqabadka Idale News Online, Baydhabo
Email: Idalenewsonline@gmail.com Baydhaba Janaay
