Baledweyn(INO)—Wararka naga soo gaaraya magaalada Beledweyne ee xarunta gobolka Hiiraan ayaa sheegaya in xaafad ka tirsan magaalada ay ka socdaan dagaallo culus oo hubka noocyadiisa kala duwan la isku adeegsanayo.
Dagaalka oo ka socda dhinaca galbeed ee magaalada Beledweyne ayaa waxa uu u dhaxeeyaa maleeshiyo beeleedyo iska soo horjeeda, iyadoo daryanka rasaasta la isweydaarsanayo laga maqlayo guud ahaan magaalada.
Goobaha ganacsiga iyo dhaqdhaqaaqa dadka rayidka ah ayaa hakad ku yimid, kaddib markii rasaas wiifto ah ay ku dhacday goobo ay dadku ku badan yihiin.
Dagaalka oo si xowli leh ku socda, ma jirto ilaa iyo iminka sheegatay inay ka dambeyso dagaaladaasi, iyadoo aan la ogeyn qasaaraha rasmiga ah ee dagaaladaasi ay geysteen, hase yeeshee wararkeena dambe kala socda wixii soo kordha.
Idale News Online, Baledweyne
