Baydhabo(INO)- Gollaha Wasiiradda Dowlada Koonfur Galbeed Soomaaliya ayaa maanta Shir ku yeeshey Gudaha Madaxtooyada Koonfur Galbeed Soomaaliya, isla markaana waxa shir gudoominaayey Madaxweynaha Dowlada KGS Shariif Xasan Sheekh Xasan.
Shirkan waxa diirada lagu saarey ka hadalka Xaaladihii ugu dambeeyey Ee Koonfur Galbeed Soomaaliya, gaar ahaan dhacdadii ka dhacdey Maalintii Axadii Ee Tagdey Magaalada Baydhabo.
Kullanka Gollaha Wasiirada, waxa si aad ah looga cambaarayey Wareerkii lagu laayey Dad aan waxba galabsan Ee dhacey 28,Feb, 2016 isla markaana waxay taagyeereen Go’aanadii ay qaateey Wasaarada Amniga iyo Laamaha Amaanka Koonfur Galbeed Soomaaliya.
Wasiirka Wasaaradda Arimaha Gudaha iyo Dowladaha Koonfur Galbeed Soomaaliya C/raxmaan Ibraahim Aaden Sate oo ka warbxinyey Shirka Ka Dib ayaa Sheegey in isbedel cusub la sameyn doono, isagoona sheegey in wasaaradiisu ay amar ku bixisey in Gawaariga aan la dhigi karin Meelaha Muhiimka ah, isla markaana Guryaha iyo Garaashyada sidoo kale aan la kireyn karin iyadoona ogeyn wasaaradiisa.
Halkan Ka Dhageyso
Idale News Online, Baydhabo
