Baydhabo(INO)- Waxaa Maanta Magaalada Baydhabo ee Xarunta KMG Ee Dowlada Koonfur Galbed Soomaaliya Ka furmey Tababar ku saabsan Maaamul wanaaga iyo Maamulka isla markaana waxa ka qiib galay Dhamaan wasaaradaha Dowlada Koonfur Galbeed Soomaaliya
Aqoon isweydaarsigan oo ay soo qaban qaabisey wasaarada Qorsheynta iyo Iskaashiga Caalamiga ee Dowlada Koonfur Galbeed, isla markaana uu socon doono mudo labo Cesho ah kaasoo looga doodi doono, hanaanka Maamul wanaaga iyo Maamulka Maareynta Wasaaraddaha.
Wasiir ku xigeenka wasaaradda Qorsheynta iyo iskaashiga Caalamiga ee Dowlada Koonfur Galbeed Soomaaliya Maxamed Xaaji ayaa Sheegey in aqoon is weydaarsigani ujeedadiisu ay tahay sidii loo kobcin lahaa abooda maamulka Suuban iyo weliba loo tayeyn lahaa Shaqada Wasaaradaha Dowladda KG Soomaaliya.
“ Tababarkan waxa uu soconaya Labo maalmood, waxaana looga doodaya maamul wanaaga iyo Maamul Guud ee Wasaaradaha, Maanta waxa la soo bandhigey Qorshiyo iyo fikrado kala gedisan, dadku waxay isu jiraan kuwo soo bartey Culuum kala Gedisan marka intaasi fikrado ayaan Aruuriney” ayuu yiri wasiirka
Sidoo kale Wasiir ku xigeenka wasaarada Iskaashiga Calaamiga ayaa sheegey in Maanta aqoon is weydaarsiga ay kala soo qiib galeen Wefdi Socodey Hay’ada UNDP iyo ururka SIDA oo laga leeyahay dalka Sweden, isla markaana waxa uu intaa raacey in wasaarada isku xir caalami ah ay u sameyneyso Dowlada Koonfur Galbeed, basle Waxa uu hoosta ka xariiqey in Shirar badan oo caalami ah oo Wasaaradu ay qiib gali lahay uu hortaagan yahay Baarlamanka Koonfur Galbeed Soomaaliya oo Xulistiisu dheeratey.
“ Wasaaraddu waxay ku daaleysa Xoojinta Xariirka Calaamiga, waxaa jiro shirar Caalami ah oo aysan ka qiib galin Karin Wasaaradda sababo Hay’ada Sharci Dajinta Dowlada Weli aysan Dhameystirmin caqabadaasi ayaa na hortaagan, waxaad ogtihiin Koonfur Galbeed Soomaaliya inay tahay Maamulka ugu dadka tira badan Marka Loo Eego Maamulada Ka Jira Soomaaliya, waxaan rajeyneynaa in qorsheynta Howlaha Caalamiga ee Dowlada Koonfur Galbeed Soomaaaliya aynu xoojin doono” ayuu Mar kale yiri Wasiirka Ku Xigeenka Wasaaradda Qorsheynta iyo Iskaashiga Caalamiga Mr. Maxamed Xaaji.
Ugu dambeyntii, Wasaarada Qorsheynta iyo iskaashiga Caalamiga Ee Dowlada Koonfur Galbeed Soomaaliya ayaa indhaha Beesha Caalamka waxay ku soo jeedisay Dowlada KG Soomaaaliya iyadoona Baydhabo ay Soo gaarey Maalinba maalinta ka dambeyso Wufuud iyo Dilomaasinyiin kala Gedisan oo Xeer Caalami ah.
Idale News Online, Xafiiska Warqabadka Baydhabo
