Afgooye(INO)- Madaxweynaha Koonfur Galbeed Soomaaliya Shariif Xasan Sheekh Aadan oo ay Weheliyaan Xildhibaanno ka tirsan Baarlamaanka Federaalka Soomaaliya ah ayaa goor dhaw gaaray Degmada Afgooye ee Gobolka Shabellaha Hoose.
Wafdiga Madaxweynaha Koofur Galbeed ayaa waxaa halkaa ku soo dhaweeyay Mas’uuliyiin ka socota Maamulka Gobolka Shabellaha Hoose iyo kan degmada iyo sidoo kale Saraakiil ka tirsan Ciidamada Dowladda KGS,iyo kuwa AMISOM.
Madaxweyne Shariif Xasan Sheekh Aadan ayaa hadda kulan la leh Mas’uuliyiinta Maamulka Gobolka ee halkaa ku sugan iyo Saraakiisha Ciidamada ee Soomaaliya iyo AMISOM.
Kulanka oo ay Warbaahintu banaanka ka joogto ayaa Warar lehelayo waxaa ay sheegayaan in looga hadlayo Ammaanka Degmada iyo sidii loo sii xoojin lahaa.
Ammaanka Degmada Afgooye ayaa maanta si weyn loo adkeeyay,iyadoo Ciidamada AMISOM iyo kuwa Dowladda KGS, lagu Arkayo Wadooyinka Degmada.
Idale News Online, Afgooye
