Xudur(INO)-Degmadda Xuddur ee Xarunta GobolkaBakoolayaaa ka dhacday Xaflad Si xeer saro ah loo soo Agaasimey isla markaana lagu daah-furayey Mashaariic lagu horumarinaayo Degmadaasi.
Xafladaas ayaa waxaa Soo abaabuley Hay,ada DRC/DDG waxa kasoo qeyb galey Dhamaan Bulshada ku dhaqan Degmada Xuddur gaar ahaan Maamulka Gobolka Bakool iyo kan Degmada Xuddur, waxaana lagu daahfurey shan iyo Toban (15) Mashrruuc oo 13 kamid ah ay yihiin Dhismooyin halka kuwa kalana ay yihiin Shaqo abuuris loo sameynayo Dadka danyerta ah.
Mashruucan ayaa waxaa loogu magacdarey Dan-wadaag isla markaana fulinaayo Hay,adaha DDG/DRC oo kaalmo kahelayso Hay’ada SSF ( Somali Stability Fund).
Mashruuca Dan-Wadaag waa aragti ay Bulshada hogaamineyso oo hadafkiisu yahay dib u xasilinta deegaanka, nabadeynta iyo soo kabashada dhaqaalaha ee Bulshada degan Magaalada Xuddur ee Xarunta Gobolka Bakool.
Ujeedada Mashruuca waxa ay tahay in la,isku keeno bulshada ku kala qeybsantey dagaalada, in xal waara looga helo qilaafaadka Bulshada ee soo noqnoqotey, in sare loo qaado wacyiga iyo wadaniyada bulshada iyo in ugu danbeyntii isku xir guud laga sameeyo dhamaan Degmooyinka Gobolka.
Hawlaha la xiriira Dhismooyinka Danta guud taas oo ay Bulshada kaalin mug leh ka qaadaneyaan soo xulashada Naqshadeynta maamulida iyo hirgelinta mashaariicda Waxaana kamid ha.
- Dhismo Labo MCH oo laga Hergelinaayo Labo Xaafadood
- Dayactirka labo Iskuul
- Dayactirka Xarunta Hanuunista (orientation Center)
- Dhisida Xarunta Maxkamada Degmada Xudur.
- Dhayactirka Saldhiga Booliska
- Dhameystirka Isbitaalka Weyn ee Degmadda Xuddur
- Dayactirka Xarunta Gobolka
- Dayactirka Xarunta Degmada Xuddur
- Dayactirka Wadooyinka
- Dib u habeynta iyo balaarinta goroonka
- Qodida Warta
Mashruuca Dan- wadaag ah Waa Mid ay Bulshada ay Hogaamiso isla markaana Bulshada Degaankaasi ayaa Sheeganaya waxa ay rabto iyo meesha laga sameynaayo, mashruucaasi.
Ugu dambeyntii, Waxa Dad Weynaha Ku dhaqan Degmada Xuddur Ee Xarunta Gobolka Bakool Soo Xusheen Gudiyo Maamulaya Mashruucyada, gudiyaashaas waxaa laga Soo doortey Xaafada kala gedisan ee Magalada Xuddur , waxayn kala kooban yihiin Dhamaan Bulshada qeybaheda kala Duwan ee Degmadaasi.
Halkan Ka Daawo, Sawiradda
Idale News Online, Xudur, Bakool
