Afgooye(INO)-Gudoomiyaha Gobolka shabeelaha Hoose, C/qaadir Nuur Sidii ayaa khudbad ka jeediyaya munaasabad ay isugu imaadeen madaxda Dowladda Koonfur Galbeed soomaaliya oo ka dhacdey Degmada Afgooye Ee Gobolka Shabellaha Hoose.
Cabdiqaadir Nuur siidii, Gudoomiyaha Gobolka Shabellaha Hoose, ayaa waxaa uu hadaladiisa diirada ku saaray xaalada Amaan ee gobolka shabeelaha hoose, waxaana uu cabasho ka muujiyay amaandarada ka jirta Gobolka Shabellaha Hoose.
” Hadii La Sugi Lahaa amaanka Inta U dhexeysa Tareedisho ama KM13 iyo Jameecada, iyo Qiibaha kale ee Goobolka waxaa La Gaari Lahaa Horumar, Waxaan Kaa Codsaneynaa Mudane Madaxweyne Inaad gacan naga siiso Sugida Amaanka Gobolka” ayuu yiri Sidii.
Gudoomiyaha Gobolka shabellaha hoose, ayaa sheegey in gobolku uu yahay mid khayraad badan isla markaana Dowlado kale ay maalgashan jireen, waxaana ceeb naqu ah ayuu yiri inaan maqalno hadalo ah Gobolka Shabellaha Hoose, Waxaa ka jira, Abaar o,Biyo la’aan iyo Macluul.
Sidoo kale Gudoomiye Siidii ayaa Xusey in Gobolka Shabellaha Hoose, laga Quudin jirey Boqolaal Dad ah kuwaasoo laga Keeney Gobolada Waqooyi ee Soomaaliya isla markaana ku soo dhufatey Abaartii Dabadheer, Xilligii Dowladii Rayidka iyo weliba Jamhuuriyadii Dimuqraadiga Ee Soomaaliya uu Hogaaminjirey Jaalle Maxamed Siyaad Barre.
Gudoomiye Sidii ayaa Madaxweynaha KG Soomaaliya ka Codsadey inuu isku dhafo shaqaalaha Dowladda KG iyo Ciidamda Isla markaana waxa uu tilmaamey inuu aad u faraxsan yahay in Degmo Ka Mid ah Gobolka Shabellaha Hoose ay Noqoto Caasimadda Dowladda Koonfru Galbeed Soomaaliya.
” Amar Dowlo Ninkii Diido waa Dabaal, Madaxweyne Gobolkan uma baahan in la keeno Masago, Geley, waxaa burbursan wadooyinka Gobolka intiisa badan, waxaan rabnaa in aad naga caawisto Dayactirka Wadooyinkaais, Gobolka Shabellaha Hoose, waxaa laga Dhoofiyaa mooska, cambaha, Liinta, sinsinta, Looska iyo Kharyraad Badan, mudane Madaxweyne waxaan kaa rabnaa inaad noo keento Baldooshyo ama Cagaf Cagafyo iyo Daawada Xoolaha” Ayuu yiri Gudoomiye Sidii
Halkan Ka Dhageyso.
Idale News Online, Afgooye
