Baydhabo(INO)-Maxkamadda ciidamada qalabka sida ayaa xukun dil ah ku fulisay, mid ka mid ah Ciidamada Shabaab, xukunkaasi oo maanta ka dhacay Magaalada Baydhabo ee xarunta gobolka Bay.
Ninka xukunka lagu fuliyay oo lagu magacaabo Siraaji C/laahi Cumar ayaa waxaa lagu eedeeyay in uu ka mid ahaa Raggii Weerrarka ku qaaday Xarunta Madaxtooyada Magaalada Baydhabo.
Gudoomiyaha Maxkamadda darajada koowaad ee ciidanka qalabka sida gaashaanle Xasan Cali Nuur Shuute ayaa sheegay Siraaji markii ay ku cadaatay in Qarax uu ka sameeyay Xarunta Madaxtooyada Baydhabo ay ku dhinteen Saddex Askari ay Maxkamadda ku fulisay xukun dil ah.
Weerarka lagu qaaday Madaxtooyada Baydhabo oo ay ku dhinteen ugu yaraan 10 Qof ayaa waxaa mas’uuliyadiisa sheegtay Xarakada Al Shabaab.
Halkan Ka Daawo
Idale News Online, Xafiiska Baydhabo
