Baydhabo(INO)–Wasiirka wasaaarada Dhaqan celinta iyo Tababarka Maleeshiyada Ee dowlada Koonfur Galbeed Soomaaliya Mudane Xasan Xuseen Xasan ayaa maanta booqadey xarun tababar ugu socodey Ciidamo boolis ah oo isla markaana Dowlada Koonfur Galbeed Soomaaliya ay Yeelaneyso.
Kormeerka wasiirka ee Xaruntaasi, waxa ku wehelinaayey saraakiil sar sare oo ka tirsan Dowlada Koonfur Galbeed Soomaaliya Isla markaana waxaa halkaasi ka hadlay wasiirka wasaaradda Dhaqan celinta iyo tababarka maleeshiyada KG Soomaaliya Mudane Xasan Xuseen Xasan iyo weliba saarkiil kale kuwasoo kula dardaarmay ciidanka iney dadkooda ugu adeegaan aqoonta ay ka kororsadeen ee tababarka ah.
Ciidamada Tababarka ku jirey ayaa waxay soo bandhigeen gaado ka cayaar ku saabsan waxyaabihii lagu tababaraayey sidaoo kale, waxayna tiradooda ay garayeen ilaa 600 oo askari.
Ciidanka Booliska ah ee tababarka ku jira ayaa la baraayey tabo muhiim ah oo ay isticmaalaan ciidanka booliiska, kuwaasoo ay ka mid ahaayeen ka hortagga dembiyada, baarista meydadka, iyo sida looga hortago rabshadaha abaabulan.
Ugu dambeyntii wasiirka Wasaarada Dhaqan celinta iyo Tababarka Maleeshiyada Ee Dowlada KGS Xasan Xuseen ayaa u balan qadayay ciidamada uu maanta la hadlayay in dowlada Koonfur Galbeed Soomaaliya intii awoodeeda ah ay dhisi doonto ciidamada qalabka sida waxa uuna kula dardaarmay inay Deegnada Gobolada KGS ka difaacdaan cadow walbo oo ku soo xadgudba.
Idale News Online, Xafiiska Baydhabo.
