Tiyeeglow(INO)-Maamulka degmada Tiyeeglow ee gobalka Bakool ayaa sheegay in dagaalo ay la galeen Al-shabaab kula wareegeen Tuulooyin badan oo ku dhaw degmadaasi.
Gudoomiyaha degmadaasi Maxamed Cabdalla Xasan oo u waramay Warbaahinta ayaa sheegay in meelo badan ay ka qabsadeen Al-shabaab, islamarkaana ah deegaano muhiim ah waa sida uu hadalka u dhigaye.
“Al-shabaab Tuulooyin badan ayaa ka qabsanay, xaqiiqda hadda noogama sukeeyaan 40 ilaa 50 Km, meel fog ayaan iska geynay” ayuu yiri gudoomiyaha.
Dhinaca kale Gudoomiyaha Tiyeegloow waxa uu sheegay in ciidamada dowladda iyo kuwa AMISOM ay ku wajahan yihiin Tuulooyinka kale ee Al-shabaab ku sugan yihiin, waxaana uu tilmaamay in dhamaan deegaanada ay qabsadeen kula wareegeen dagaal.
Al-shabaab dhankooda kama aanay hadlin dagaaladaan iyo deegaanada la sheegay in laga qabsaday, hase ahaatee ciidamada dowladda Federaalka iyo kuwa AMISOM ayaa waday mudooyinkaan dambe howlgallo ka dhan ah Al-shabaab.
Idale News Online, Tiyeeglow.
