Wararka laga helayo Degmada Buula Burde ee Gobolka Hiiraan ayaa waxay sheegayaan in xalay halkaasi uu dagaal ku dhexmaray ciidanka dawlada iyo kuwa AMISOM oo isku dhinac ah iyo Ciidanka Al Shabaab.
Dagaalka waxa uu yimid kadib markii ciidanka Al Shabaab ay weerar gaadmo ah ku qaadeen fariisimo ciidanka Jabuuti ay ku leeyihiin degmada Buula burde.
Dadka kusugan B/burde ayaa sheegaya inay maqlayeen rasaasta nuucyadeeda kala duwan oo dagaalka la isku adeegsanayey inkastoo aan la sheegi karin khasaaro ka dhashay dagaalkaasi xilli oo habeen ahaa.
Al Shabaab ayaa warbaahintooda dhinac internet-ka waxay ku daabaceen inay muddo kusugnaayeen gudaha degmada Buula burde inkastoo khasaaraha gaaray dhankooda iyo midka ay geysteen intuba aysan sheegin.
Idale News Online, Hiiraan
