Fadhi uu yeeshay barlamaanka cusub oo uu shir guddoomiyaayey Prof Max’ed Cusmaan Jawaari, ayaa magacaabey guddi ka kooban 16 xildhaan oo howshiisu tahay diyaarinta nidaamka doorashada hogaanka ugu sareeya ee dalka iyo waqtiga rasmiga ah ee la qaban doono madaxtinimada, waxay kala yihiin xubnaha guddigaan:
- Jeneral Muuse Xasan Cabdulle
- Khadiijo Maxamed Diiriye
- Maxamed Cumar Maxamuud
- Ibraahim Saalax Deyfullah
- Axmed Cismaan Ibraahim
- Sacdiyo Careys Ciise
- Maxamed Sheekh Aadan Hiiraale
- Daahir Amiin Jeesoow
- Cismaan Maxamed Cabdi Daallo
- Maryan Cariif Qaasim
- Axmed Aadan C/raxmaan
- Saynab Maxamed Caamir.
- Axmed Aadan Axmed
- Cismaan Libaax Ibraahim
- Aweys C/laahi Ibraahim
- Muumino Sheekh Cumar
Sidoo kale waxaa goobta shirkii 1aad ee uu shir gudoomiyo guddoomiyaha cusub ee Barlamaanka lagu dhaariyey xubno cusub oo guddiga soo xulista barlamaanka soo gudbiiyey kuwaas oo ka kooban 7 xildhibaan oo kala ah:
1 Jawaahir Axmed Cilmi
2 Maxamed Isaaq Cusmaan
3 Maxamed Cabdi Maxamed “Gaandi”
4 Shariif Maxamed Saciid
5 Xaliimo Xasan Cumar
6 Nuur Maxamuud Xuseen
7 Cumar Cali nuur
Ugu dambeyntii waxuu barlamaanka isku raacey in dib loo dhigo go’aankii ay Maxkamada Sare kaligeed ku gaartey iney dhaariso isla markaasna kaararkii aqoonsiga siiso 17 xildhibaan oo guddiga farsamada ee soo xulista barlamaanka ay diideen, beelahooda ka codsadeen in bedelkooda la keeno.
Lama oga, waxa uu barlamaanka cusub ee Soomaaliya ka yeeli doono muranka u dhaxeeya Maxkamada Sare iyo Guddiga Farsamada ee Soo Xulista Barlamaanka oo ka kooban 27 xubnood, kuwaas oo ku tilmaamey go’aanka Maxkamada sare yahay waxba kama jiraan, isla markaasina sheegey in Maxkamadii Sare waqtigeedu dhamaadey, Caydiid Ilka Xanafna go;aan kaligiis gaari karin.
Xafiiska Warqabadka Idale News Muqdisho
Siyad Macalin Axmed siyad_macalin@hotmail.com
