Baydhabo(INO)–Iyada oo magaalada Baydhaba ee Xarunta Gobolka Bay ay ka socoto xulista Xildhibaannada Baarlamaanka Dowlad Koofur Galbeed Soomaaliya ayaa hadda Odayaasha ku howlan xulista Baarlamaanka Dowladda Koofur Galbeed waxaa ay sheegayaan in loo soo gudbiyay xubno ka mid ah Baarlamaanka KGS.
Malaaq Cabdi Rashiid Sheekh Cabdi Salaan oo ah Guddoomiye ku xigeenka guddiga xulaya Baarlamaanka Koofur Galbeed Soomaaliya oo la hadlay Warbaahinta ayaa sheegay in ay ilaa hadda soo gaartay liiska 55 bXubnood oo ka mid ah Baarlamaanka Koofur Galbeed Soomaaliya.
Waxaa uu sheegay in qaabka lagu qeybsaday Xildhibaannada Baarlamaanka Dowladda Koofur Galbeed Soomaaliya ay tahay Baarlamaanka Federaalka oo beelaha federaalka xildhibaanada ay ku leeyihiin lagu saleeyay.
Waxaa uu intaa ku daray malaaq Cabdi rashiid in ay jiraan beelo aan federaalka Xildhibaanno ku lahayn,kuwaas oo uu sheegay in iyaga laga billaabay xulsita Baarlamaanka,markii waxooda meel la saarayna la qeybsaday inta soo hartay.
Xildhibaannada Baarlamaanka Dowlada Koofur Galbeed Soomaaliya oo dhismihiisa iyo diyaarintiisaba ay socotay 9kii bilood ee la soo dhaafay ayaa kagu wadaa in 17ka Bishan la shaaciyo dhamaan, islamarkaana la dhaariyo.
Ugu dambeyntii, Wxaaana markaa kadib ay dooran dooranayaan Guddoomiye ku meel gaar ah oo ah midka ugu da’da weyn,waxaana ku xigi doona in ay diyaariyaan guddi doorasho guddoomiyaha Baarlamaanka Dowlada Koofur Galbeed.
Idale News Online, Xafiiska Baydhabo
