Muqdisho(INO)- Waxaa caaw Shir jaraa’id qabtay Sargaalkii kasoo goostay Ururka Al Shabaab Ee Dawlada Soomaaliya isku soo dhiibay isagoona arimo badan kaga hadlay.
Ibrahaim Aadan (Ibraahim Nadaara) ayaa ku dhawaaqay ugu horeyn inuu iskaga baxay Al Shabaab kuna tilmaamay in laga been sheegay Ahdaafkii loo socday.
Khaladaad badan ayuu sheegay awgeed inuu Ibraahim Nadaara ka tanaasulay Fikirkii Ururka Al Shabaab oo Xilal Dacwada iyo kan Waxbarashada Gobollada Bay iyo Bakool uu kasoo qabtay.
Waxyaabaha uu sheegay inuu Al Shabaab ku nacay waxa ka mid ah Gaaleysiinta Dadka muslimiinta ah,Dagaalka Jihaadka lagu sheegay oo daacad laga aheyn iyo Arimo kale.
