Muqdisho (INO) – Madaxweyne Xasan Sheekh Maxa’ed, ayaa ku jira Heerkii ugu danbeeyay Wadatashiyada uu kala samaynayo qeybaha kala duwan ee Bulshada & Wakiiladda Beesha Caalamka Qofka uu ka dhigi doono Ra’iisul Wasaara Cusub DF Soomaaliya
Xuseen Cabdi Xalane, oo ah sii hayaha Xilka Wasiiradda Maaliyadda Soomaaliya, ayaa si weyn loo hadal hahay maalamahan inuu noqdo Ra’iisul Wasaaraha bedeli doona C/wali Sheekh Axmed, balse Rajadaasi ayaa noqatay mid Caqbado soo wajaheen.
Shuruudda Beesha Caalamka ayaa ka celisay Xuseen Cabdi Xalane Tartanka qabashada Xilka Ra’iisul Wasaaraha, waxaana Fursad helay Cumar C/rashiid Sharma’arke oo hadda ah Safiirka Soomaaliya ee dalka Marayekanka.
Wakiiladda Beesha Caalamka ayaa u sheegay Xasan Sheekh in uusan Isbedelka dhici doonin haddii Qof kamid ah Xukuumadii fashilantay ee uu Baarlamaanka dhawaan riday loo magacaabo Xafiiska Ra’iisul Wasaaraha dalka.
Cumar C/rashiid oo 2009 – 2010 soo noqday Ra’iisul Wasaare Xukuumaddii KMG ahayd, ayaa Taageero ka haystaa Dowladda Ethiopia, Shariif Xasan Sheekh Aadan, Madaxweynaha Koonfur Galbeed & Madaxweynaha Puntland C/wali Gaas.
Wararka ayaa sheegaya in Cumar C/rashiid u yimid Muqdisho, sidoo kalena lagu wado inu lagu dhawaaqo Magacaabistii Maalmaha soo aadan, gaar ahaan Arbacada ama Khamiista, haddii uusan Qorshaha isbedelin.
Idale News Online – Xafiiska Baydhabo, Somalia
