Dowlada Somalia oo sheegtey in ay duulaan ku tagay Degmada Baraawe ee Gobolka Shabeelaha Hoose

67

Maamulka Gobolka Shabellaha Hoose ayaa sheegay in la dhameystiray qorshayaashii lagu weerari lahaa deegaanada gobolkaas ay kaga sugan yihiin Xarakada Shabaab.


Gudoomiyaha Gobolka Shabellaha Hoose C/qaadir Maxamed Nuur (Siidii) oo la hadlay mid ka mid ah idaacadaha Muqdisho ayaa sheegay in dhowaan ciidamada dowladda iyo AMISOM ay ku wajahan yihiin degmada Baraawe.

“Baraawe ayaa kulaaleynaa mar dhow, saraakiishii waa diyaariyeen qidadii dagaalka, taangiyadii iyo hubkii kuli waa la diyaariyay”ayuu yiri C/qaadir Siidii.

Waxaa uu sheegay in ciidamada AMISOM ee ka kala soda Brundi iyo Uganda ay u diyaarsan yihiin sidii Shabaab uga saari lahaayeen deegaanada ka harsan Gobolka sida uu yiri.

Ciidamada dowladda iyo kuwa AMISOM ayaa maalmihii u dambeeyay dhaq dhaqaaqyo ciidan ka waday qeybo ka mid ah ah Gobolka, waxaana la arkayay gawaarida gaashaaman iyo dabaabadaha oo ka baxayay Muqdisho, kuwaasoo ku sii jeeday deegaanada.

Xarakada Al-Shabaab ayaa lagala wareegay deegaano ka tirsan Shabellaha Hoose, sida xarunta gobolka ee Marka, Afgooye. iyo deegaano iyo tuulooyin kale.

You might also like More from author

Comments are closed.