xog xasaasi ah:“Waxaa socda qorshe Ciidamada Kenya looga saarayo Somalia, si loogu bedelo Itoobiya iyo Eritrea”

Wargeyska ayaa sheegay in heshiiskii saddex geesood ee dhex maray Somalia, Itoobiya iyo Eritrea uu ahaa sidii Ciidamo ka socda dalalkaas oo aan qeyb ka aheyn waajibaadka AMISOM loo keeni lahaa Soomaaliya.

The Star ayaa yiri “Madaxweyne Farmaajo si cad ah uma sheegin inuu ka xun yahay Kenya, balse qaar ka mid ah Warbaahinta ayaa qoraya in Saraakiishiisa sare ay wada hadalo kula jiraan Turkiga, Qatar, Itoobiya iyo Eritrea, si ay u taageeraan dhaq dhaqaaqyadooda milateri si Jubbaland loogala wareego Ciidamada Kenya.

Fahad Yaasiin ayaa hoggaaminaya wada xaajoodkaas, sida Wargeysku yiri “Fahad Yaasiin Madaxa Sirdoonka Soomaaliya ayaa hoggaaminaya Wada xaajoodka Kooxda, wuxuu heystaa Baasaboor Kenyan ah, Laamaha Amniga waxay sheegeen inuu u adeegsado si uu ugu kala safro Caalamka”

Dagaalka dhanka kheyraadka ah ee ay wadaan Hoggaamiyeyaasha Soomaaliya ayaa ka dhigay in khatar soo wajahdo danaha Kenya, iyadoo Baarlamaanka Soomaaliya uu gadaal ka riixayo sidii Ciidamada Kenya looga saari lahaa Soomaaliya.

“Maamulka Farmaajo waxay doonayaan in hoos loo dhigo AMISOM joogitaankeeda Soomaaliya, gaar ahaan Jubbaland, wararka waxay sheegayaan in Farmaajo doonayo in Eritrea iyo Ethiopia soo galaan Soomaaliya, kyadoo ay jirto heshiis labada dhinac ah oo banaanka ka ah waajibaadka AMISOM”ayuu yiri Wargeyska.

Khilaafka diblomaasiyadeed ee u dhaxeeya Somalia iyo Kenya ayaa sii xoogeysanaya, iyadoo Kenya ay dooneyso dhul badeedka lagu mursan yahay ee ay Soomaaliya leedahay la wareegto, ka hor go’aanka Maxkamadda Caalamiga ee Hague oo la filayo in Kenya ay guuldaro kala kulanto.

Comments are closed.