Xil.Khadiijo ”Hadii 184 Xildhibaan Uu Gaari Waayo Mooshinka Jawaari Waa Gudoomiyaha Golaha Shacabka

84

Wasiirka Dhalinyarada iyo Ciyaaraha Xukuumadda Soomaaliya Khadiijo Maxamed Diiriye kana mid ah Xildhibaanada Golaha Shacabka ayaa si kulul uga hadashay arrimaha mooshinka ee Gudoomiyaha Baarlmaanka Maxamed Sheekh Cusmaan Jawaari.

Waxa ay sheegtay in Gudoomiye Jawaari mooshinki laga gudbiyay uu sheego in laga baxay,ay wax u dhimeyso karaamadiisa,aqoontiisa,laakin mooshinkaan uusan noqon doonin mid banaanka looga baxo.

“Xaqiiqdii 184 xildhibaan hadii uu mooshinkan gaari waayo Jawaari waa gudoomiyaha Golaha Shacabka,laakin hadii uu gaaro waa wax cad,waxana idin sheegayaa in mudo 15 cisho ah gudahood ay ku soo dooran doonaan Gudoomiye Baarlamaan ayay tiri xildhibaan Khadiijo Maxamed diiriye”

Xildhibaan Khadiijo Maxamed Diiriye oo goobjoog ka aheyd kulan ay yeesheen xildhibaanadii mooshinka ka gudbiyay Jawaari ayaa sheegtay in mooshinkaas aan laga laaban karin ilaa baarlamaanka lahorgeeyo,halkaasna lagu kala bixi doono.

Sidoo kale waxa ay guddiyada joogtada ee Golaha Shacabka ku eedeysay in ay sharciga hareer mareen,iyaga oo baarlamaankii uu Shaqeynayo ay kulan qabteyn taasina ay tahay mid sharciga ka baxsan sida ay hadalka u dhigtay.

You might also like More from author

Comments are closed.