Kenya:Weerar Miino ah oo lagu diley ciidamo Kenyan ah duleedka Gaarisa

149

Idalenews: si wararka ay sheegayaan ugu yaraan shan askari oo ka tirsan ciidamada booliska Kenya ayaa ku dhintay laba kalena waa ay ku dhaawacmeen kadib markii gaari ay wateen ay kula qaraxday miino deegaanka Bodhai-Ijara oo ka tirsan Gaarisa ee gobolka Waqooyi Bari ee ay Soomaalidu degto.

Booliska Kenya ayaa sheegay in miinadaasi ay gaariga la eegteen maleeshiyo ka tirsan al-Shabaab, kadibna ay gubeen gaariga markii dambe goobtana ay ka baxsadeen.

Askarta weerarka lagu qaaday ayaa ka tirsanaa kuwa saldhigga Bodhai ee deegaanka Ijaara.

Goob jogayaasha ayaa u sheegay wakaaladaha wararka iyo warbaahinta Kenya in askarta weerarka ku dhaawacantay ay ku dhuunteen keynta ilaa halkaa ay ugu tagaan ciidamo gurmad ah, waxaana markii dambe dhaawacooda loo duuliyay magaalada Nairobi.

Weerarkan ayaa ah kii ugu horeeyay ee ay ururka Alshabaab ku qaadaan gobolka Waqoyi Bari Kenya tan iyo markii uu ku guuleystey markale doorashada Madaxtinimada dalka Kenya Uhuru Kenyatta.

You might also like More from author

Comments are closed.