Maxkamad xukuntay in xilka laga qaado madaxweynaha Kuuriyada Koonfureed iyo dadweyne damaashaaday

370

Maxkamadda dastuuriga ah ee dalka Koonfur Kuuriya ayaa oggolaatay in xilka laga xayuubiyo haweenayda madaxweynaha ka ahayd dalkaasi Park Geun-hye kaddib todobaadyo dibadbax ka dhan ah iyada oo dalka ka socday.

Park ayaa waxaa lagu helay musuq-maasuq iyo awood ku takrifalid, waxaana baarlamaanka dalkaasi uu bishii December ku soo oogay dacwad xilka looga qaadayo. .

Park ayaa noqonaysa madaxweynihii u horreeyey ee dalkaasi si dimoqraadi ah loo soo doorto oo xilka laga qaado..

Dad badan oo Koonfurta Kuuriya u dhashay ayaa soo dhaweeyay go’aanka maxkamadda.

Park oo 64 jir ah ayaa noqonaysa madaxweynihii labaad ee xilka ay ka xayuubiyaan baarlamaanka. Roh Moo-Hyun ayaa 2004 xilka laga xayuubiyay, laakiin xilkaasi waxaa ku soo celisay maxkamad laba bilood kadib.

You might also like More from author

Comments are closed.