Kulan Addis Ababa ku dhex marey Afhayeenada Barlamaanka Soomaaliya iyo Ethiopia

44

Xarunta Baarlamaanka dalkan Ethiopia ayaa waxaa kulan saacado qaatay uu ku dhexmaray Gudoomiyeyaasha Baarlamaannada Soomaaliya iyo Ethiopia ayadoo kulankaasina looga hadlay arimmo quseeya labada Baarlamaan.

Kulanka ka hor ayaa Gudoomiyaha Baarlamaanka Federaalka Soomaaliya Mudane Maxamed Cismaan jawaari oo saakay wafdi uu hogaaminayo ay soo gaareen magaalada Addis Ababa ee dalka Ethiopia waxaa qado sharaf loogu sameeyey Hotelka Hilton ayadoo qado sharaftaasina uu u sameeyey dhigiisa dalka Ethiopia Mr Abadula Gemeda.

Qado sharafta kadib ayuu Gudoomiyaha Baarlamaanka oo ay wehliyaan ku xigeenkiisa Labaad Mudane Mahad Cabdalla Cawad iyo gudoomiyeyaasha gudiyada joogtada ah ee Baarlamaanka waxey u dhaqaaqeen xarunta Baarlamaanka dalka Ethiopia oo uu ka dhacay kulan saacado qaatay.

Ugu horeyn Gudoomiyaha Baarlamaanka Soomaaliya Mudane Maxamed Cismaan Jawaari oo kulanka lagu sharfay inuu furo ayaa khudbadda ugu horeeysay jeediyey waxaana uu Gudoomiyuhu uga mahad celiyey dhigiisa dalka Ethiopia casuumadda uu u fidiyey ayadoo sidoo kalena uu Gudoomiyuhu shacabka iyo Dowladda Ethiopia uga mahad celiyey soo dhaweynta diiran ee isaga iyo wafdigiisa loo sameeyey.

“runtii aadbaan ugu faraxsanahay inaan socdaalkeygii ugu horeeyey ee aan dalka ugasoo ambabaxo tan iyo intii xilka Afhayeenka Baarlamaanka Soomaaliya la ii doortay ku imaado dalka Ethiopia, soo dhaweynta diiran ee aad inoo muujiseen iyo casuumaddaba aadbaan idinkaga mahad celineynaa” ayuu yiri Mudane Maxamed Cismaan Jawaari Gudoomiyaha Baarlamaanka Soomaaliya.

Idale News Muqdisho

You might also like More from author

Comments are closed.