Turkiga oo loogu baaqay inay dhex-dhexaadiso Dowladda iyo Alshabaab

34

Sida aan ka soo xiganay Wakaaladda Wararka ee Dalka Turkiga ee Andolu Agency (AA) waxa ay ardayda soomaaliyeed ee wax kubarta dalka Turkiga ku baaqeen in Dowladda Turkiga gacan ka geesato Dhex-dhexaadinta Dowladda Somalia iyo Alshabaab.

Guddoomiyaha Golaha ardayda wax ku barata Dalka Turkiga ( The Council of Somali Scholars) Bashiir Salaad, ayaa sheegay in Dowladda Turkigu tahay wadanka kaliya ee dadaalka badan ku bixiyay howlaha samafalka iyo shaqada Islaamka ee guddaha Somalia

Guddoomiyaha oo u waramaayay wakaaladda wararka (AA) ayaa sheegay inuu rumeysan yahay in Turkiga oo Dowlad weyn ah ay awood u leedahay inay xaliso dhibaatooyinka ka taagan Somalia

‘wadaxaajod lala yeesho kooxda Alshabaab waxay leedahay muhiimad sare, mana aha wax dhibaata leh, xalinta dhibaatadasi waa surtagal in lagu xaliyo Diplomaasiyad iyo nabad buuxda’ sidaa waxaa yiri Bashiir salad.

Dhinaca kale Dowladda Turkiga wax hadal ah kama soo saarin baaqa loo soo jeediyay, sidoo kale Dowladda Somalia iyo kooxda shabaab midna kama hadlin mana soo dhaweyn in la wada hadlo.

Iskudayo badan oo ay qaar kamid ah Dowladaha carabta ku doonayen inay wada hadalsiiyan Dowladda iyo Kooxda Shabaab ayaa fashilmay.

Idale News Muqdisho

You might also like More from author

Comments are closed.