Afhayeenka G/Banaadir oo sheegay in uu bilaawday Tartanka Ololaha nadaafadda ee dagmooyinka

28

Afhayeenka maamulka gobolka Banaadir Maxamed Yuusuf oo lahadlayay Radio Muqdisho ayaa sheegay in 16 kamid ah degmooyinka gobolka ay ka bilowdeen tartanka todobaadka Ololaha nadaafadda ee uu Dhawaan Ra’isul wasaaraha Soomaaliya ku dhawaaqay taasoo lasiin doono degmadii ku guuleysata Kaalinta 1aad lacag dhan toban iyo shankun oo doolarka Mareykanka ah.

Waxa uu afhayeenku xusay in loo saaray gudi kakooban gudoomiye kuxigeenada gobolka qaarkood iyo Mas’uuliyiin kale oo dhinaca gobolka ah iyadoo ay degmooyinkuna u xusulduubayaan sidii ay mid weliba u gelilaheyd kaalinta 1aad maadaama lasiinayo abaalmarin lacageed oo farabadan  degmadii ku Guuleysata.

Afhayeenka Maamulka gobolka Banaadir ayaa tilmaamay in degmooyinku ay boqolaal dadweyne ah kusoo daayeen xaafadaha si ay u nadiifiyaan wadooyinka iyo goobaha ay nadaafad xumidu kajirto si Eysan waxyeelo caafimaad ugu geysan dadka kunool,

Sidoo kale Maxamed Yuusuf ayaa sheegay in la balaarinayo nalalka kushaqeeya Cadceeda kuwaas oo lagelinayo wadada Wadnaha ee magaalada Muqdisho taasoo kulmisa degmooyin badan oo katirsan Magaalada Muqdisho.

Suuqa Bakaaraha ayaa kamid ah goobaha la qorsheeyay in laga hirgeliyo Baalayaasha kushaqeeya Cadceeda iyadoo horay looga hirgeliyay wadada Maka Al-Mukarama oo xiliga habeenkii ah uu siweyn u kala socdo ganacsiga iyo dhaqdhaqaaqa dadweynaha iyo gaadiidka.

Idale News Muqdisho

You might also like More from author

Comments are closed.