Madaxweyne Xasan Sheekh oo la kulmay madaxda ugu sareysa ee Midowga Yurub

36

Madaxweynaha Soomaaliya, Xasan Sheekh Maxamuud oo booqasho ku tegey xarunta midowga Yurub ayaa la kulmay madaxda ugu sareysa ururka Midowga Yurub.

Madaxweyne Xasan Sheekh ayaa madaxdii uu la kulmay waxaa ka mid ahaa Jose Manuel Barroso iyo Madaxweynaha Golaha Midowga Yurub Herman Van Rompuy.

Wareysi ay la yeelatay madaxweynaha laanta afka Soomaaliga ee idaacada BBCda ayaa waxa uu ku sheegay in si wanaagsan loogu soo dhaweeyay xarunta Midowga Yurub ayna ka wada hadleen wax uu ugu yeeray ‘waayaha cusub’ ee Soomaaliya ay gashay iyo sida ay u wada shaqeyn lahaayeen dowladda Soomaaliya iyo Midowga Yurub.

Madaxweynaha ayaa sheegay inay aad isku af garteen madaxdii uu la kulmay uuna diyaar u yahay in dowladdiisa ay ka taageeraan dhinacyo fara badan, sidii dalka dib loogu dhisi lahaa.

Midowga Yurub ayaa ballanqaaday in uu qabanqaabin doono shirweyne arrimaha Soomaaliya looga hadli doono gaar ahaan sidii tobanka sano ee soo socda kaalmo loo siin lahaa dowlada Soomaliya.

Madaxweynaha Soomaaliya ayaa ku tegay magaalada Brussels booqasho rasmi ah oo uu martiqaad ka helay Midowga Yurub.

Idale News Muqdisho

You might also like More from author

Comments are closed.