Madaxweyne Xasan Sheekh oo kulan kula leh Dalka Belgium Madax ka tirsan Midowga Yurub

29

Madaxweynaha Dowladda Soomaaliya Xasan Sheekh Maxamuud ayaa maanta waxa uu kulan kula leeyahay Magaalada Brusels ee dalka Belgium-ka madax ka socota Midowga Yurub.

Xasan Sheekh Maxamuud Madaxweynaha Soomaaliya ayaa xalay ka soo duulay Magaalada Addis Ababa ee Caasimadda Dalka Itoobiya halkaas oo labadii maalin ee ugu dambeysay uu ku sugnaa, halkaas oo isaga iyo wafdigii la socday ay uga qeyb galayeen shirka Madaxda Midowga Afrika.

Madaxweyne Xasan Sheekh ayaa Casuumaad ka helay madax ka tirsan Midowga Yurub oo kulan ku qaadanaya halkaasi, waxaana Madaxweynaha lagu wadaa inuu maanta ka qeyb galo kulankaasi.

Kulanka Madaxweynaha Soomaaliya uu la qaadanayo Madaxda ka tirsan Midowga Yurub ayaa waxaa looga hadlayaa sidii loo taageeri lahaa Dowaldda Soomaaliya ee KMG-ka ka gudubtay.

Xasan Sheekh Madaxweynaha Federaalka Soomaaliya ayaa muddooyinkii dambe waxa uu socdaallo ku kala bixinayey Wadamada Caalamka taasoo uu ku nooleynayo xiriirka Soomaaliya iyo Caalamka.

Idale News Muqdisho

You might also like More from author

Comments are closed.